Bang Media

Reba Video

Igitsina

UMUSENYERI W'UMUNYAGATULIKA USHAKA KO ABAPADIRI BARONGORA

UMUSENYERI W'UMUNYAGATULIKA USHAKA KO ABAPADIRI BARONGORA
par Bangambiki

-Archeveque Emmanuel Milingo, yavukiye muri Zambia mu mwaka w'1930, yagizwe musenyeri wa Archdiocese ya Lusaka mu 1969 na Papa Yohani Pawulo wa VI.
-Mu mwaka w'1983 yasbwe guhagarika kuba umusenyeri kubera imirimo ye yo kwirukana abazimu mu bantu no gusengera abantu ngo bakire kandi bitemerwa na Kiliziya.
-Mu 2001,Milingo, ku myaka 71, yasezeraniye muri Kiliziya yitwa Unification Church y'umuyobozi witwa Sun Myung Moon, nubwo Milingo nk'umupadiri atari yemerewe kurongora. Yashakanye n'umkoreyakazi witwa Mariya Sung.
-Kuri 24/09/2006 Archeveque Milingo yimitse abagabo bane abagira abasenyeri kandi bafite abagore. Iki gikorwa cyatumye Vatikani ica uyu musenyeri mu kiliziya. Ariko hakurikijwe theology catholique irebana n'ihamagarwa, ihamgarwa ntirusubizwa inyuma, ubwo rero Milingo aracyari umusenyeri ufite ububasha bw'umusenyeri ariko akaba atemerewe kubukoresha nubwo ari igicibwa muri kiliziya. Milingo we ntabyemera. Yashinze ihuriro ryitwa "Married Priests Now-Abapadiri Bashatse Ni ubu".Iri huriro ngo yarishyiriyeho gufasha abapadiri barenga 150000 babishingutsemo bamaze kunanirwa no kwihangana.

Uyu Musenyeri Milingo agitangira imirimo ye y'ubuyobozi yatangiye arwanya bimwe mu bitameze neza muri Kiliziya nko kwamagana uburyo abapadiri bashaka abagore rwihishwa, kubyara abana hanze, kwendana hagati y'abagabo n'ibindi. Ngo yasanze ko umuti waba uwo kureka abapadiri bagashaka kandi abona urugero rwiza ari uko yakwiheraho. Ariko umujinya wa Kiliziya wamurangiriyeho aracibwa na passport ye y'i Vaticani abayobozi ba Kiliziya banga kuyiha visa ngo atazahakandagira. Mu by'ukuri rero uyu Musenyeri Milingo kuri bamwe ni intwari ku bandi nk'abayobozi ba kiliziya ni umusazi ni ihwa mu rubavu rwabo kuko abamenera amabanga.

BLOG BIFITANYE ISANO

No comments:

Post a Comment