Bang Media

Reba Video

Igitsina

MBE MUGABO UKEKA KO UMUGORE WAWE ARI UMUNTU

MBE MUGABO UKEKA KO UMUGORE WAWE ARI UMUNTU
par Bangambiki

Wenda wowe uha agaciro umugore wawe. Ukamwubaha,ukamuguyaguya, ukamenya ko ari ikiremwa nka we kandi rimwe na rimwe kitagira ubushobozi nk'ubwawe nk'umugabo. Bibiliya ivuga ko ari "inzabya zoroshye." Wenda wowe ubona ko imirimo agira mu rugo burya ivuna nubwo bitagaragara cyangwa itagaragara nk'iyo ukora hanze. Wenda wowe ubona ko gutwara inda amezi icyenda,kubyara,konsa no kurera umwana buri munsi ari umurimo utoroshye.

Ariko na none na we urahari. Urahari wowe mugabo udaha agaciro umugore wawe, ugatekereza ko ari umuja waguze cyangwa igare ryawe, ugatekereza ko agomba gukora imirimo yo mu rugo nk'imashini kandi ko niba imunaniye nta mugore umurimo. Ukumva ko agomba kuba yiteguye kubyara buri kanya kubera ko ari ko kazi k'umugore. Ukaba utekereza ko iby'uburinganire bw'ibitsina atari umuco nyarwanda ahubwo ari ubugoryi bw'abazungu.

Uribehya. Ifatire umugore neza. Niba wikunda kunda umugore wawe ni urugingo rwawe. Kuko iyo yishimye uranezerwa. Nta bundi buryo buhari, nta kuntu wamufata neza ngo utegereze ibyishimo mu buzima bwawe. Ushaka kwakira yiga no gutanga kuko akebo kajya iwa mugarurura. Ushobora kumucundagura akihorera k'uko ari umugore ariko nk'umuntu aba abibona kandi aba yiteguye kukwishyura.

No comments:

Post a Comment